JOAQUÍN Mª GARCÍA DÍEZ

Naceu en Ferrol o día 16 de setembro de 1954. Está casado e ten tres fillas.

Realizou os seus estudios universitarios en Santiago de Compostela onde entre 1974-1979  obtén a súa graduación en Ciencias Biolóxicas, na rama de Ecoloxía.

Tras un período no sector privado e no mundo da ensinanza, estivo a traballar como Biólogo no Instituto Lucense de Desenvolvemento Económico e Social (INLUDES), onde exerceu distintas responsabilidades ata ocuparse da súa Dirección.

Joaquín estréase na política no ano 1990. Durante o primeiro Goberno de Manuel Fraga na Xunta de Galicia, facéndose cargo da Secretaría Xeral da Consellería de Agricultura, Gandería e Montes (1990-91)

En maio de 1991 desembarcou na política municipal, formando parte da candidatura do PP de Lugo nas eleccións municipais. Desde ese ano e ata 1995 exerce como primeiro Tenente de Alcalde e Concelleiro de Economía e Medio Ambiente.

En maio de 1995 concorre como Candidato á Alcaldía de Lugo polo Partido Popular obtendo maioría absoluta con 13 dos 25 membros da corporación.

No ano 2001 incorpórase á Secretaría Xeneral da Axencia Galega de Desenvolvemento Rural e tras unha paréntese na súa vida política, en marzo de 2004 é elexido deputado pola provincia de Lugo no Congreso dos Deputados. Renovou a súa elección nas Xerais de 2008, como cabeza de lista pola provincia de Lugo ó Congreso. Desde entón está a realizar un fructífero traballo como voceiro de pesca do Grupo Parlamentario Popular ó tempo que se interesa e promove iniciativas relacionadas con distintas problemáticas da provincia de Lugo.

En maio de 2007, concorre ás eleccións como candidato á Alcaldía de Lugo polo PP, desempeñando desde entón o labor de voceiro do Grupo Municipal no Concello de Lugo.