Comeza o proceso de votación popular para escoller o cartel anunciador do San Froilán 2019

VOTA AQUÍ bit.ly/2Mbobgm polo teu favorito 

O Concello vén de abrir a votación popular do concurso de deseño gráfico para elixir o cartel que anunciará o San Froilán 2019, coa finalidade de facer cómplice e partícipe á sociedade na elección da imaxe desta festa declarada de Interese Turístico Galego e Nacional, que se celebrará do 4 ao 12 de outubro.

As 39 obras que compiten, pódense votar ata as 12:00 horas do día 31 de maio. Para poder realizar a votación soamente é necesario rexistrarse cun enderezo electrónico, o que permite un reconto de votos máis seguro.

Tal e como recollen as bases, tras esta votación popular, un xurado formado por tres persoas expertas seleccionará, entre as 10 de maior puntuación, a obra gañadora. O fallo levarase a cabo o 5 de xuño ás 11:00 horas na Casa Consistorial, día no que tamén se seleccionará o cartel do San Froilán Miúdo. Como en edicións anteriores, o premio para o gañador ou gañadora ascende a 2.000 euros e para o neno ou nena gañadora do cartel do San Froilán Miúdo un premio adaptado á súa idade valorado en 300 euros.