Xoves 08

12.00 – 20.00 h. Cultura e Tradición no Camiño IV a cargo de Traxandaina no cantiño Nemesio Cobreros (ao lado do Vello Cárcere). Demostración dun zapateiro, demostración fabricación de utensilios de cociña de madeira, zoqueiro e Traxandaina tear.

18.00 h. Pasarrúas de música tradicional do grupo Cantigas e Frores polo recinto histórico.

20.00 h. Os Pelúdez entre nós polo recinto histórico.

20.30 h. Inauguración da exposición de Adra Pallón “A outra festa”, no Vello Cárcere.

21.00 h. Concerto de Arrhytmia no escenario Ponte Romana, no parque do Miño, ao lado do Pazo
de Feiras.

21.00 h. Concerto de Conducto Coloquio no escenario do Castiñeiro.

21.00 h. Concerto de The Foolmakers no escenario de Augas Férreas.

21.00 h. Concerto de El Nahual no escenario de Agro do Rolo.

21.00 h. Concerto de Jorobados del Miño no escenario da praza do Camiño Primitivo.

21.00 h. Concerto de Leilía no escenario da Horta do Seminario.

 

ENTRADAS e CONDICIÓNS DE ACCESO RECINTOS MUSICAIS SEMANA CULTURAL SAN FROILÁN 2020:

É preciso dispoñer dunha entrada para acceder ao recinto. Todas as persoas (de 0 a X anos) deben ter entrada. 

As entradas para as diferentes actividades poderanse adquirir de xeito gratuíto na web entradaslugo.es ou na Oficina Municipal de Turismo (praza do Campo, 11).

A reserva de entradas web ou na Oficina de Turismo funcionará ata 1 hora antes do comezo das actividades.

Cada usuario poderá retirar un máximo de 2 entradas por actividade.

As entradas terán validez ata 15 minutos antes da hora oficial de comezo do espectáculo. Chegado este momento, estas entradas deixarán de ter validez e procederase a completar a cabida do recinto con aquelas persoas que agarden para poder acceder ao mesmo na cola habilitada para tal efecto.

As persoas con mobilidade reducida, unha vez retirada a súa entrada, poderán instalarse no espazo da butaca asignada ou facer uso da zona de mellor visibilidade acondicionada en cada un dos recintos.

Unha vez no recinto, en todo momento deberán respectarse as distancias de seguridade e será obrigatorio o uso dos tapabocas.

Deberán seguirse as indicacións dos acomodadores de cada recinto e facer uso do xel hidroalcólico no momento de entrar ao mesmo.

Unha vez comezado o espectáculo non se poderá acceder ao recinto. E no caso de abandoar o mesmo no transcurso da actuación, non se poderá volver entrar; e esa cadeira tampouco poderá ser ocupada por outra persoa por motivos sanitarios.